Шардара тұрғыны үйінің ауласында сора өсірген

09:49, 5 маусым 2023

© Сурет: ҚР ІІМ

“Қарасора – 2023” жедел-профилактикалық іс-шарасы барысында Шардара аудандық полиция бөлімінің қызметкерлері жедел ақпарат бойынша жұмыс жүргізіп, құрамында есірткі заты бар өсімдік егу дерегін анықтады.

Шардаралық тұрғыннан сораның 11 түбі тәркіленді. Полицейлер Шардара қаласы тұрғынының ауласын тінту кезінде есірткіге ұқсас 11 өсімдік түп тапты. Заттай дәлелдемелер сараптамаға жіберілді.

Зерттеу қорытындысына сәйкес, алынған айғақты зат сора болып шықты.

Аталған жайт ҚР ҚК-нің 300-бабы (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) бойынша сотқа дейінгі тергеу амалдары жүргізіліп жатыр.

Деректің мән-жайы анықталып жатыр. Түркістан облысының полицейлері құрамында есірткі заты бар өсімдіктерді заңсыз өсіру және есірткі құралдарын сақтау үшін қатаң жауапкершілік қарастырылғанын ескертеді.

Оқи отырыңыз

Мемлекет басшысының осы аптадағы жұмыс жоспары жарияланды

Қазақстан мұнай өндіруді өз еркімен қысқарту мерзімін 2024 жылдың соңына дейін ұзартады

Таиландта теңізге түсемін деп зардап шеккен қазақстандық қайтыс болды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!