Сенбіде Қазақстанның қай өңірлеріне 35 градусқа дейін аптап ыстық болады

"Қазгидромет" РМК мамандары 2025 жылғы 21 маусым, сенбіге арналған ауа райы болжамын жариялады, деп хабарлайды Zakon.kz.

Болжамға сәйкес, еліміздің үш өңірінде күндіз қатты аптап ыстық болады:

• Алматы облысында – +35°С-қа дейін,
• Жетісу облысында – +35°С-қа дейін,
• Абай облысының оңтүстігінде – +35°С-қа дейін.

"Еліміздің көп бөлігінде циклон мен онымен байланысты атмосфералық фронттардың әсерінен найзағайлы жаңбыр жауады. Елдің солтүстігінде, түнде шығысы мен оңтүстік-шығысында қатты жаңбыр жауып, бұршақ жаууы мүмкін. Республика бойынша жел күшейеді, ал оңтүстікте күндіз шаңды дауыл күтіледі", - делінген хабарламада.

Сонымен қатар, синоптиктер бірқатар өңірде өрт қаупі жоғары болатынын ескертті:

Жоғары өрт қаупі – Абай облысының шығысында, Павлодар облысының шығысында, Жамбыл облысының оңтүстігі мен солтүстігінде, Батыс Қазақстан облысының батысы мен шығысында, Солтүстік Қазақстан облысының оңтүстігінде, Атырау облысының солтүстігінде, Маңғыстау облысының солтүстік-батысы, оңтүстігі мен шығысында, Ақтөбе облысының орталығында, Шығыс Қазақстан облысының солтүстік-батысы, оңтүстігі және орталығында.

Төтенше өрт қаупі – Алматы, Жамбыл, Қызылорда, Түркістан, Қарағанды облыстарында, Ұлытау облысында, Ақтөбе облысының батысы, оңтүстігі және шығысында, Атырау облысының орталығында, Маңғыстау облысының солтүстік-шығысы мен орталығында, Қостанай облысының солтүстігі мен оңтүстігінде, Жетісу облысының солтүстігі, шығысы және орталығында, Абай облысының батысы, солтүстік-батысы және оңтүстігінде, Шығыс Қазақстан облысының оңтүстік-шығысында бар.