Say mo-ның ізімен: Актер Шәріп Серік жаңа сүйіктісіне де қол көтерген

Алматылық бойжеткен Әлия Бутеева танымал қазақстандық актер Шәріп Серіктің өзіне қол көтергенін айтып, желіге дәлел ретінде сурет пен бейне жариялады, деп хабарлайды Zakon.kz.

Бойжеткеннің сөзінше, олар актермен қарым-қатынаста болған.

"Ең қорқынышты түсімнің өзінде, сүйікті адамы қол көтеретін қыздардың қатарынан боламын деп ойламағанмын. Бірақ бұл жайт орын алды. (...) Жазбамда тек бір нәрсені айтқым келеді, өкінішке орай, алғашқы сәттен-ақ арыз жазып, қарсылық көрсетіп, одан ештеңе күтпей, шыдамдық танытпауым керек еді. Шокта болғаным соншалықты, болып жатқан жайттарға сене алмадым",- деп жазды Әлия Бутеева жазбасында.

Бутеева лифтке кіріп бара жатқан бейнесін жариялады. Онда оның ізімен Шәріп Серік келіп, оны жұлқып, лифттен шығарып алғанын көруге болады. Бұған қоса, қыз бетінің қызарып қалған суретін жариялады – қызару соққыдан болуы мүмкін.

 

Посмотреть эту публикацию в Instagram

 

 

 

 

Публикация от Aliya Booteyeva (@aliya_booteyeva)

Желі қолданушылары Шәріп Серікті жазғырып, бойжеткенге қолдау білдірді. Олардың арасында актердің экс-жұбайы әнші Say mo-да бар.

"Сені толығымен түсінемін және қолдаймын",- деп жазды Say mo.

Бұдан бөлек, желідегі танымал қоғам белсенділері мен өзге де өнер иелері пікір жазды.

• Осыдан кейін бұл адамды киноға шақырған әрбір студияны кәнсілдеймін! (Роза Аширбаева)
• Әлия сізге күш-қуат берсін! (Айтбек Амангелді)
• Әйелге қол көтерген ер адам, еркек болудан қалады. Өте өкінішті... Бауырларыңыз бен ер достарыңыздан қорғауын сұраңыз. Мұндай жайтты тоқтату керек (Сая Оразғалиева)

Еске салсақ, актер Шәріп Серік пен әнші Say mo 2020 жылы шаңырақ көтерген болатын. Алайда, жұлдызды жұп көп ұзамай айрылысты. Ол кезде де Say mo актерді "қол көтерді" деп айыптаған болатын.