Петропавлдағы әлеуметтік баспананың сапасы сын көтермейді

Петропавлда әлеуметтік осал топтарға салынған үйдің сапасы сын көтермейді. Жаңа қоныстың жертөлесі көктем келе суға толып, іргетасы бүліне бастаған. Ол аздай, шатырдан су сорғалап, қабырғалар дымқыл тартып тұр, деп хабарлайды Zakon.kz.

"24kz" телеарнасының ақпаратынша, бұл Петропавлдағы әлеуметтік жағынан осал топтағы, яғни жетім өскен балалар, жалғызбасты аналар, мүмкіндігі шектеулі жандар, көпбалалы отбасылар мен зейнеткерлерге салынған үй.

Жаңа үйдің шатыры да сын көтермейді. Жаңбыр жауса, төбеден су сорғалап, пәтер қабырғаларын дымқыл тартқан.

"Қатты жаңбыр жауады, үшінші қабаттан су ағады. Мына жарықтардың барлығын қараңыздар, кешке таман біреуі жанса, біреуі жанбайды". Данияр Жаманқұлов, қала тұрғыны:

Бұл ауданда мұқтаж жандарға дәл осындай 6 бірдей жалдамалы үй салынды. Барлығы 600 пәтер. Олардың құрылысына бюджеттен 7 млрд теңге бөлінген. Тұрғындар шағымданғанымен, қалалық әкімдік қызметкерлері мердігер ұйымға ешқандай кінә артып отырған жоқ.

Бұған дейін Ақтөбе облысындағы оңтүстік аудандарда шегіртке қаптағандығы хабарланған болатын.