Павлодарда газгольдер жанып, 850-ден астам адам құтқарылды

Павлодарда газгольдер жанды. Оқиға орнында ТЖД басқаруымен жедел штаб құрылды, деп хабарлайды Zakon.kz.

Сыйымдылығы 5 текше метр болатын жерасты жылыту газгольдері лаулап жанған.

"Адамдар жақын орналасқан ғимараттардан эвакуацияланды. Қазіргі уақытта суды үздіксіз беру ұйымдастырылып, газгольдерді салқындату жүріп жатыр. Пропан-бутан қоспасының жануы бақылауда ", - деп хабарлады Павлодар облысы ТЖД бастығы Рустамбек Амрин.

Кейінірек өрттің оқшауланғаны, зардап шеккендер жоқ екені хабарланды.

Адамдардың қауіпсіздігі мақсатында жақын орналасқан ғимараттардан 850-ден астам адам эвакуацияланды.

Эвакуацияланған халықты жылыту үшін 3 автобус және аталмыш орынды қоршауға 3 полиция экипажы тартылды.