Валентина Матвиенко Қазақстанға келді

2024 жылғы 11 желтоқсанда Қазақстанға ресми сапармен Ресей Федерациясы Федералдық Жиналысы Федерация Кеңесінің Төрағасы Валентина Матвиенко келді, деп хабарлайды Zakon.kz.

Парламент Сенатының Төрағасы Мәулен Әшімбаев пен Валентина Матвиенконың келіссөздері нәтижесінде бірқатар келіссөздерге қол қойылатындығы белгілі болды.

Сурет: ҚР Сенат баспасөз қызметі

Атап айтқанда:

• Парламент Сенаты мен Федералдық Жиналыстың Федерация Кеңесі арасында 2025-2027 жылдарға арналған Парламентаралық ынтымақтастық жоспары;
• Парламент Сенатының Аппараты мен Федералдық Жиналыстың Федерация Кеңесінің Аппараты арасында Ынтымақтастық туралы келісім.

Бұған дейін Тоқаев Қазақстанның Жапониядағы елшісін ауыстырғаны хабарланған болатын.