Павлодар облысының 6 жасар тұрғынына Мемлекет басшысының сыйлығы табыс етілді

Алты жасар Хадия Кунаева Қазақстан Президентінің атынан сыйлық иегері атанды, деп хабарлайды Zakon.kz.

Белгілі болғандай, Екібастұздың жас тұрғыны джиу-джитсудан әлем чемпионы атанған. Ол өткен айда Абу-Даби қаласында джиу-джитсудан өткен әлем біріншілігінде 11:0 есебімен таза жеңіске жетті.

Мемлекет басшысының сыйлығын Павлодар облысының әкімі Асаин Байханов табыс етті. Ол бұл туралы 3 желтоқсанда Instagram парақшасында мәлімдеді. Сондай-ақ, қыздың жаттықтырушысы, кішкентай жеңімпазды әкесі — спортшы Самат Кунаев екені белгілі болды.

Посмотреть эту публикацию в Instagram

Публикация от Байханов Асаин (@asaiyn.baikhan)

"Жеті баласының алтауы жекпе-жекпен айналысатын отбасы — спорттық тәрбиенің, тәртіптің және отбасылық құндылықтардың үлгісі",- деп атап өтті өңір басшысы.

Бұған дейін қазақстандық екі спортшының бокстан Азия чемпионатының келесі айналымына өткендігі хабарланған болатын.