Оқу-ағарту министрі мектептерде жаңа жылдық мерекелерге ақша жинауға тыйым салынғанын еске салды

11:14, 4 желтоқсан 2024

© Фото: primeminister.kz

Мектептерде жаңа жылдық іс-шараларға ақша жинауға жол берілмейді. Бұл туралы Оқу-ағарту министрі Ғани Бейсембаев Үкіметтегі брифингте айтты, деп хабарлайды Zakon.kz.

КTК телеарнасының мәліметінше, министр кез келген іс-шара көңіл көтеруге емес, балаларды тәрбиелеуге бағытталуы керек екенін баса айтты.

"Бұрын да айтқанымыздай, мектептерде ешқандай ақша жинау болмауы керек. Осы және басқа да іс-шаралар бойынша үнемі министрлік бұйрығымен тыйым салынғанын айтып келемін. Сондықтан мектептерде ешқандай ақша жинауға жол берілмейді. Бұл жаңа жылдық шыршаларға, мерекелік кештерге де қатысты. Кез келген іс-шараны ақша жинамай-ақ өткізуге болады".Ғани Бейсембаев

Сондай-ақ, ол мереке қарсаңында мұғалімдердің ешқандай сыйлық күтпейтінін атап өтті.

Бұған дейін заңсыз шығарылған активтерді қайтару есебінен Шымкентте мектеп-интернат-колледж тәрбиеленушілері үшін 300 орындық жатақхана салынатындығы хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!