Павлодар облысының тұрғындары су басу қаупі төнген жағдайда қайда хабарласу керек

Облыстың су тасқынына қарсы жағдайлар бойынша бірыңғай шешім қабылдау және үйлестіру мақсатында ТЖ департаментінің дағдарыс залында жедел штабтың жұмысы ұйымдастырылды, аталмыш штабтар облыстың барлық қалалары мен аудандарында ұйымдастырылды, деп хабарлайды Zakon.kz.

Жедел штабтың құрамына азаматтық қорғау қызметтерінің (жолдар мен көпірлер қызметі, қоғамдық тәртіпті сақтау қызметі, өртке қарсы қызметі, ақпарат қызметі, инженерлік қызметі) өкілдері енді.

"29 наурыздың сағат 06:00-дегі жағдай бойынша облыс бойынша автокөлік жолдарының 14 учаскесі бақылауда (5 республикалық, 1 облыстық және 8 аудандық маңызы бар. Сондай-ақ елді мекендердегі су тасқынына қарсы 6 учаске бақылауда (Ақсу қ.-1, Павлодар қ.-1, Ақтоғай–2, Май - 1, Аққулы-1)" Павлодар облысы әкімінің баспасөз қызметі

Облыс бойынша су тасқынына қарсы іс-шараларға барлығы 48 адам, 52 бірлік техника, 12 мотопомпалар, 2 жүзу құралдары жұмылдырылды. Бұл ТЖД, ЖАО, жол қызметі және полиция департаментінің күштері мен құралдары.

Сурет: Павлодар облысы әкімінің баспасөз қызметі

Сонымен қатар, облыс бойынша ЖАО-дан 109 желісі бойынша су тасқынына қарсы іс-шараларға 75 ассенизаторлық көлік, 111 мотопомпалар, 290 адам тартылды.

28 наурызда Павлодар облысының әкімі Асайн Байханов облыстағы барлық әкімдер су тасқынына қарсы қажетті шараларды тиісті деңгейде жүргізбегенін айтты. Ол Павлодар облысы, Тереңкөл ауданы, сондай-ақ Ақсу қаласы әкімдерінің жұмысын қанағаттанарлықсыз деп санайды. Су тасқынына қарсы іс-шаралар кезінде бақылаудың нашарлығы үшін оларға қатаң сөгіс берілді.