Павлодар облысында жол апатынан жасөспірім зардап шекті

Павлодар облысында жол апаты салдарынан жасөспірім зардап шекті, жүргізушінің үстінен әкімшілік іс қозғалды, ал 14 жастағы баланың ата-анасына айыппұл салынды, деп хабарлайды Zakon.kz polisia.kz-ке сілтеме жасап.

25 мамырда Павлодар ауданы Мичурино ауылында 27 жастағы ауыл тұрғыны басқаратын Priora көлігі мотоциклмен соқтығысып қалды. Салдарынан 14 жастағы мотоцикл жүргізушісі зардап шекті.

Жасөспірім медициналық көмек көрсеткеннен кейін үйіне жіберілді.

Көлік жүргізушісіне қатысты жол-көлік оқиғасын жасағаны үшін ҚР ӘҚБтК-нің 610-бабының 1-бөлігі бойынша әкімшілік іс қозғалды.

Материал Павлодардың мамандандырылған әкімшілік сотына жіберілді. Полиция кәмелетке толмағанның ата-анасын ҚР ӘҚБтК-нің 590-бабы 2-бөлігі, ҚР ӘҚБтК-нің 612-бабы 2-бөлігі бойынша жауапқа тартты. 30 АЕК мөлшерінде айыппұл салынды.

Сондай-ақ ювеналды полиция инспекторы жасөспірімнің ата-анасына қатысты ҚР ӘҚБтК-нің 127-бабының 3-бөлігі бойынша әкімшілік хаттама толтырды. Материал сотқа жіберілді.