Өскеменде полицейлер бопсалаушыны ақша алып жатқан жерінен ұстады

21:06, 1 сәуір 2025

© Сурет: pixabay

Шығыс Қазақстан облысының орталығында полицейлер өңірлік прокуратураның үйлестіруімен бопсалаумен айналысты деп күдікке ілінген ер адамды ұстады, деп хабарлайды Zakon.kz polisia.kz-ке сілтеме жасап.

Бұған дейін құқық қорғау органдарына 20 жастағы қала тұрғыны, танысының хабарласып ақша талап еткенін және бермесе күш қолданамын деп қорқытқанын айтып, жүгінген.

Жедел іс-шаралар нәтижесінде күдікті қаладағы аулалардың бірінде ақша алу кезінде ұсталды. Аталған факті бойынша қылмыстық іс қозғалды.

Күдіктіні үш жылдан жеті жылға дейін бас бостандығын шектеу немесе бас бостандығынан айыру жазасы күтіп тұр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!