Оңтүстік Кореяда қашып кеткен екі қазақстандықтың жағдайы белгілі болды

14:42, 30 наурыз 2023

© Сурет: Instagram/korea_komek

Ұсталған екі Қазақстан азаматы қазір қамауда отыр. Бұған дейін олар елге кіруге тыйым салынғанына қарамастан, Инчхон әуежайының аумағынан қашып кеткен еді, деп хабарлайды Zakon.kz.

25 наурызда Өзбекстаннан Оңтүстік Кореяға 2002 және 2005 жылы туған екі Қазақстан азаматы барған. Құжаттарында қате кеткендіктен, оларды елге кіргізбей, депортациялау залына жіберген. Бұл туралы Instagram-дағы "Korea_Komek" парақшасында жазылған. Қайту рейсін күтіп тұрған олар ұшу-қону жолағына жақын жерде биіктігі 3,5 метрлік қоршаудан асып, қашып кеткен.

Екі қазақ та өз ісін мойындап, отбасын асырау үшін жұмысқа келгенін айтты. Оларға шекараны заңсыз кесіп өтіп, қашып кетті деген айып тағылды. Ұсталғандар - Түркістан облысының тумаcы.

Бір қазақстандықты отандастарының қолдауымен еліне қайтару керек. Екіншісі Оңтүстік Корея түрмесінде үш ай болады. Бұл елдің заңнамасы бойынша ол 15 жылға дейін бас бостандығынан айырылуы мүмкін.

Қазақстан азаматтарының бұл әрекеті Оңтүстік Кореяда жұрттың наразылығын тудырды. Кейінгі екі күнде Оңтүстік Кореядағы 23 қазақстандық азаматтығына байланысты жұмыстан шығарылғаны хабарланды.

Оқи отырыңыз

Disney компаниясы 7 мың қызметкерін жұмыстан шығара бастады

Түркиядағы президент сайлауына төрт үміткер қатысуға рұқсат алды

АҚШ-та 28 жасар әйел алты адамды атып тастады

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!