Өнеркәсіп министрлігі: Үкімет пен ArcelorMittal арасындағы мәміле соңына жақындап қалды

12:53, 30 қараша 2023

© Сурет: gov.kz

Өнеркәсіп министрлігі Қазақстан үкіметі мен ArcelorMittal арасындағы мәміленің соңғы кезеңіне жақындап қалғанын мәлімдеді, деп хабарлайды Zakon.kz.

2023 жылғы 4 қарашада Қазақстан Республикасы премьер-министрінің бірінші орынбасары Роман Скляр үкіметтік брифингте "АрселорМиттал Теміртауды" қазақстандық инвестор сатып алатынын айтты. Жаңа инвесторға қандай талаптар қойылатыны да белгілі болды.

2023 жылғы 31 қазанда Үкімет басшысы Әлихан Смайылов "АрселорМиттал Теміртауды" Қазақстан пайдасына аудару мәмілесі аяқталғанын хабарлады.

Қарағанды облысындағы "АрселорМиттал Теміртау" АҚ-ның қарамағындағы Костенко шахтасында 2023 жылғы 28 қазанға қараған түні сағат 02:33-те апат болды. Апат кезінде шахтада 252 адам болған, 206 кенші жер бетіне шыққан. Бастапқыда төрт адам қаза болғаны айтылғанымен, кейін жер астында қалған 46 кеншінің бәрі қаза тапқаны анықталды.

Костенко атындағы шахтадағы төтенше жағдайдан кейін мемлекет басшысы Қасым-Жомарт Тоқаев үкіметке "АрселорМиттал Теміртау" компаниясымен инвестициялық ынтымақтастықты тоқтатуды тапсырды. Содан кейін үкімет AMT акционерлерімен алдын ала келісімге келгенін мәлімдеді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!