«Мұқағали» фильмі Шотландия кинофестиваліне қатысып жатыр

13:36, 9 желтоқсан 2022

© Сурет: "Қазақфильм" АҚ

Шотландиядағы кинофестивальдің қортындысы 11 желтоқсан күні белгілі болмақ, деп хабарлайды Zakon.kz.

Белгілі кинорежиссер Болат Қалымбетовтың "Мұқағали" көркем фильмі Шотландиядағы Сент-Эндрюс кинофестивалінің негізгі байқауына қатысып жатыр.

Сент-Эндрюс кинофестивалі (SАFF) - бұл халықаралық кинофестиваль және шотландтық қайырымдылық ұйымы. Халықаралық кинематография күніне арналған шарада Шотландия мен бүкіл әлем бойынша кино саласындағы жаңа таланттардың есімдері белгілі болады.

Белгілі қазақ ақыны Мұқағали Мақатаевтың 90 жылдығына арналған "Мұқағали" картинасында оның өмірінің соңғы жылдары көрсетілген. Қазақстандық прокатқа фильм 2021 жылдың 21 қазанында шыққан еді. Фильмнің әлемдік премьерасы 25-ші (PÖFF) Таллин кинофестивалі аясында өтті, онда қазақстандық картина экуменикалық қазылар алқасының жүлдесіне ие болды.

Айта кетейік, биыл наурыз айында картина Кераладағы (Үндістан) 26-шы Халықаралық кинофестивальдің "Әлемдік кино" секциясында ұсынылды. Қыркүйек айының басында «Мұқағали» фильмі Қазан кинофестивалінде қазылар алқасының арнайы жүлдесіне ие болды.

Сонымен қатар фильм Гатчинадегі (Ресей) "Әдебиет және кино" Халықаралық кинофестивалінде қоюшы-суретші Ермек Өтегеновтың үздік жұмысы үшін қазылар алқасының арнайы дипломына ие болды. Қазан айында фильм Дубайдағы META Film Fest кинофестивалінде Бас жүлдеге ие болды. Фестивальде 25 елден 70-тен астам фильм көрсетілді.

Оқи отырыңыз

Димаш Екібастұздағы жағдай туралы: "Жылуы жоқ түрмеде жазасын өтейді деп сенемін"

Баян Мақсатқызының "Бақыт" фильмі "Алтын глобустың" марапаттар тізіміне енді

"Сіз қазаққа керексіз": Нұрғали Нүсіпжановтың ауруханада жатқаны хабарланды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!