Металлургия өнеркәсібінің кейбір тауарлары ұлттық режимнен алып тастау тізіміне енгізілді

2025 жылғы 5 маусымдағы бұйрықпен Индустрия және құрылыс министрінің міндетін атқарушы машина жасау саласындағы және химия, металлургия мен құрылыс өнеркәсібіндегі тауарлар, жұмыстар мен қызметтер тізбесіне ұлттық режимнен алып тасталатын өнімдер ретінде қосымша толықтырулар енгізді.

Тізімге қосымша мынадай тауарлар енгізілді:

• көпқырлы тіректерге арналған болат негіз (фундамент);
• конус тәрізді тіректерге орнатуға арналған екі шырақты консольді шамдарға арналған кронштейн;
• күштік металл тірек;
• антенналық болат тірек;
• көтеру-түсіру жүйесі бар болат прожекторлы мачта;
• металл құрылымдарда пайдалануға арналған торлы мачта;
• бір шырақты консольді шамға арналған кронштейн;
• күштік емес металл тірек;
• белгілі бір биіктікте антенна және бұрылмалы жабдық орнатуға арналған антенналық мачта;
• жоғары вольтты электр беру желісіне арналған металл конструкциялы тірек;
• болаттан жасалған шам тірегі (фонарный столб);
• болаттан жасалған шам тірегіне арналған кронштейн;
• диаметрі 10–50 мм болатын болат су-газ құбырлары;
• әртүрлі диаметрдегі болат электрлік дәнекерленген құбырлар;
• өлшемдері 51×51 мм-ден 100×100 мм-ге дейінгі шаршы және тікбұрышты болат дәнекерленген құбырлар.

Бұйрық 5 маусымнан бастап күшіне енді.