Мемлекет басшысы Мысыр, Ирак және басқа да елдерге жаңа елшілерді тағайындады

12:14, 5 қаңтар 2025

© Фото: akorda.kz

2025 жылдың 5 қаңтарында Қасым-Жомарт Тоқаев бірқатар елдердегі жаңа елшілерді тағайындау туралы жарлықтарға қол қойды, деп хабарлайды Zakon.kz.

Бұл туралы Ақорда хабарлады.

Осылайша, Мемлекет басшысының жарлықтарымен:

Асқар Жеңісұлы Жеңіс Қазақстан Республикасының Мысыр Араб Республикасындағы Төтенше және Өкілетті Елшісі лауазымына тағайындалды;

Дәулет Қасекенұлы Батырашев Қазақстан Республикасының Хорватия Республикасындағы Төтенше және Өкілетті Елшісі болып тағайындалды, ол Қазақстан Республикасының Португалия Республикасындағы Төтенше және Өкілетті Елшісі лауазымынан босатылды;

Жан Сержанұлы Ғалиев Қазақстан Республикасының Португалия Республикасындағы Төтенше және Өкілетті Елшісі лауазымына тағайындалды;

Қазақстан Республикасының Иордан Хашимит Корольдігіндегі Төтенше және Өкілетті Елшісі Талғат Рахымқұлұлы Шалданбай Қазақстан Республикасының Ирак Республикасындағы, Палестина Мемлекетіндегі Төтенше және Өкілетті Елшісі қызметін қоса атқарушы болып тағайындалды.

2024 жылдың желтоқсанында президент Қазақстанның Жапониядағы Елшісін ауыстырды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!