Медьедович, Корда, Маннарино және Офнер Астанадағы турнирдің жартылай финалында ойнайды

21:33, 1 қазан 2023

© Сурет: ktf.kz

Жексенбіде, 1 қазанда Астанадағы ATP 250 турнирінің ширек финалдық матчтары өтті, деп хабарлайды Zakon.kz.

Ұйымдастырушылардан wild card алған сербиялық теннисші, әлемнің 120-ракеткасы Хамад Медьедович ширек финалда әлемнің 28-ракеткасы Иржи Легечканы 6:3, 6:4 есебімен жеңіп кетті.

Енді Хамад Медьедович жартылай финалда АҚШ өкілі Себастьян Кордамен ойнайды. Америкалық теннисші ширек финалда жарыстың бірінші ракеткасы болып тіркелген нидерландтық Таллон Грикспорды 6:4, 4:6, 6:3 есебімен жеңді.

Ал франциялық теннисші Адриан Маннарино турнирдің жартылай финалына сенімді түрде шықты. Ол аустриялық Юрий Родионовты екі сетте ұтты - 6:1, 7:6(6).

Адриан енді финалдық жолдамаға аустриялық Себастьян Офнермен таласады. Офнер өзінің отандасы, US Open 2020 чемпионы Доминик Тимді 5:7, 6:4, 6:2 есебімен ұтты.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!