Мас қыз аулада көлігімен әйел адамды қағып, жазым қылды

15:46, 30 қараша 2023

© Сурет: Zakon.kz

Астанада мас қыз тұрғын үйдің ауласында бір әйелді көлікпен қағып өлтіріп, үш көлікті соқты, деп хабарлайды Zakon.kz.

Астана полиция департаментінің мәліметінше, 28 қарашада тұрғын үйдің ауласында Toyota Camry көлігінің 20 жастағы жүргізушісі жаяу жүргіншіні қағып, артынша тұрақтағы үш көлікті соққан.

Оқиға салдарынан 42 жастағы әйел алған жарақаттарынан оқиға орнында көз жұмды.

Полицейлер Toyota көлігінің жүргізушісі мас болғанын мәлім етті.

Посмотреть эту публикацию в Instagram

Публикация от Астана Қаласының Полиция Департаменті (@police__astana)

"Бұл жағдайға байланысты ҚР Қылмыстық кодексінің 345-бабы 3-бөлігі ( Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша қылмыстық іс қозғалды. Бұл баптың санкциясы бес жылға дейінгі мерзімге бас бостандығынан айыру түріндегі жауапкершілікті көздейді. Қажетті сараптамалар тағайындалды", – делінген хабарламада.

Бойжеткен уақытша ұстау изоляторына қамалды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!