Маңғыстауда «ӨзенМұнайГаз» АҚ бас директорының орынбасары ұсталды

15:50, 2 маусым 2023

© Сурет: pexels

Маңғыстау облысы бойынша экономикалық тергеп-тексеру департаменті "ӨзенМұнайГаз" АҚ бас директорының орынбасары Б. Мамбетсапаевты лауазымдық өкiлеттiктерін теріс пайдаланып, ол ауыр салдарға алып келген күдікпен ұстады, деп хабарлайды Zakon.kz.

Қаржылық мониторинг агнеттігінің 2 маусым күні таратқан мәліметі бойынша, Мамбетсапаев өз лауазымдық мәртебесін пайдаланып, жұмысқа қабылдау туралы бекітілген қағидаларды өрескел бұзып, өзінің бірнеше танысын "Өзен Мұнай Газ" АҚ-на заңсыз кіргізген.

Компанияға жұмысқа кіру үшін Жаңаөзен қаласының 9 мыңнан астам тұрғыны кезекте тұрғанын атап өту қажет.

"Таныстарының жұмыссыздар қатарында болмағанын, тиісті мамандыққа біліктілігі сәйкес келмейтінін және жұмысқа мүлдем келмегенін Мамбетсапаев жақсы білгенін тергеу анықтады".Маңғыстау облысы бойынша экономикалық тергеп-тексеру департаменті

Ведомство өкілдерінің мәліметінше, Мамбетсапаевтың заңсыз іс-әрекеттері салдарынан мемлекетке 46 млн теңгеден астам залал келтіріліп, Жаңаөзен қаласы тұрғындарының компанияға орналасуына көзделген құқықтарын өрескел бұзылуына әкеп соққан.

"Тергеу Б. Мамбетсапаевтың басқа да заңсыз әрекеттерін, компанияның лауазымды тұлғалардың және мердігер мекемелердің, бюджеттік қаражатты жымқыру фактілерін тексеріп жатыр".Маңғыстау облысы бойынша экономикалық тергеп-тексеру департаменті

Қазір тергеу жүріп жатыр.

Қылмыстық процестік кодекстің 201-бабына сәйкес өзге де мәліметтер тергеу мүддесінде жариялануға жатпайды.

Оқи отырыңыз

Петропавлда аттракцион істен шығып, бес бала зардап шекті

Ақтауда бес күн бұрын жоғалып кеткен алматылық жігіт табылды

"Диплом алуға бара жатқан". Ақтөбе облысында жол апаты салдарынан үш адам қаза тапты

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!