Маңғыстау облысындағы IT-лицейдің оқушысы Азия-Тынық мұхиты аймағының ең мықты лингвисі атанды

09:03, 5 мамыр 2025

© Сурет: Қазақстан Республикасының Оқу-ағарту министрлігі

Мамандандырылған ІТ лицейінің оқушысы Рамазан Бутантаев тамаша нәтиже көрсетіп, APLO-2025 Азия-Тынық мұхиты лингвистикалық олимпиадасының абсолютті жеңімпазы атанды, деп хабарлайды Zakon.kz.

ҚР Білім министрлігінің баспасөз қызметі хабарлағандай, жарысқа Қытай, Австралия, Гонконг, Жапония, Малайзия, Иран, Корея, Сингапур, Таиланд сияқты елдердің 500-ге жуық оқушы қатысты.

Жалпы, Қазақстан құрамасы лингвистикалық олимпиада тарихындағы ең үздік нәтижені көрсетті — 5 медаль және 3 Құрмет грамотасын жеңіп алды.

Ал байқау қорытындысы бойынша Маңғыстау облысындағы IT-лицейдің оқушысы Рамазан Бутантаев жоғары нәтиже көрсетіп, олимпиаданың абсолютті жеңімпазы атанды. Ол аймақтың ең мықты қатысушыларын басып озып, алтын медаль иеленді.

Айта кету керек, лингвистикадан ҚР құрама командасының жаттықтырушысы — лингвистика және география пәндерінен халықаралық және республикалық олимпиадалар жеңімпазы, Эберхард және Карл атындағы Тюбинген университетінің 2-курс студенті — Аида Давлетова.

Назарбаев Зияткерлік мектебінің жоғары сынып оқушылары Аружан Жұмабаева мен Мерей Тоқтарбек Каспий теңізін төгілген мұнайдан тазартуға көмектесетін жоба әзірледі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!