Маңғыстау облысында адамдар жаппай уланды

16:50, 25 ақпан 2024
127

© Сурет: Zakon.kz

Маңғыстау облысы Бейнеу ауылында жаппай улану жағдайы болды. Тұрғындар дәмханалардың біріне барғаннан кейін өздерін нашар сезінген, деп хабарлайды Zakon.kz.

Lada.kz хабарлауынша, 23 ақпан күні кешкісін орталық аудандық ауруханаға 23 адам түскен. Олар "Али-ман" мекемесіне барғаннан кейін ауруханаға түсті.

"Жұқпалы аурулар бөліміне 15 адам жіберілді, оның ішінде балалар мен ересектер және 19 апталық жүкті әйел бар. 8 адам үйінде ем қабылдап жатыр", - делінген хабарламада.

Аталған факті бойынша Маңғыстау облысы бойынша санитарлық-эпидемиологиялық бақылау департаменті тексеру жүргізіп жатыр.

Бұған дейін тағы бір жаппай улану туралы хабарланған еді. 2024 жылдың 5 ақпанында Түркістан облысында No9 мектептің оқушылары мен мұғалімдері ауруханаға жеткізілді. Белгілі болғандай, ауруға бояудың иісі себеп болған.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!