Қызылорда облысында 7 мыңнан астам адам өзіне тиесілі тегін дәрі-дәрмекке қол жеткізе алмаған

19:26, 10 қыркүйек 2024

© Сурет: pixabay

Қызылорда облысының прокуратурасы тегін медициналық көмектің кепілдік берілген көлемі шеңберінде өңірдегі 7 мыңнан астам тұрғынының дәрілік заттармен қамтамасыз етілмегенін анықтады, деп хабарлайды Zakon.kz.

Ведомство мәліметінше, Қызылорда қаласының емханаларында балалардың жас шамасы ескерілмей, 1 мыңнан астам кәмелетке толмағанға негізсіз дәрі-дәрмек тағайындалған.

"Медициналық көрсетімдерсіз 170 науқас инсулин препараттарымен қамтамасыз етілген. Одан бөлек, 68 дана медициналық препараттың сақтау талаптары бұзылып, екі науқасқа жарамдылық мерзімі өткен дәрілік заттар тағайындалған. Сонымен қатар өңірдің 14 медицина ұйымында заңсыз фармацевтикалық қызметпен 19 жұмыскер айналысқан", делінген хабарламада.

Анықталған заңдылықты бұзулар бойынша уәкілетті органға прокурорлық қадағалау актілері енгізіліп, қарау нәтижесімен 93 тұлға жауаптылыққа тартылған.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!