Қостанайда танымал дүкен желісіндегі өнімдерге жүргізілген зерттеу актілері нені анықтады

Қостанайда Small дүкенінен сатылып алынған өнімдер зертханада тексерілді. Атап айтқанда, "Брест-Литовск" сары майы (82,5%), "Дәстүрлі" қышқыл-кілегейлі сары майы (82,0%), "Кор Марго Вес-Беларуссия, Щучинский" ірімшігі (50,0%), балаларға арналған жер жаңғағы, деп хабарлайды Zakon.kz.

Сатып алынған үлгілер "Ұлттық сараптау және сертификаттау орталығы" АҚ Қостанай филиалының аккредиттелген зертханасына сынауға жіберілді.

№ 1 үлгі: майдың массалық үлесі 82,5% "Брест-Литовск" тұздалмаған тәтті сары майы;

№ 2 үлгі: майдың массалық үлесі 82,0% "Дәстүрлі" қышқыл-кілегейлі сары майы;

No3 үлгі: майдың массалық үлесі 50,0% "Кор Марго Вес-Беларуссия, Щучинский" ірімшігі;

№4 үлгі: Балаларға арналған жер жаңғақ.

"Қазақстан Республикасы "Тұтынушылар құқықтарын қорғау туралы" заңына сәйкес, азық-түлік өнімдері 14 күн ішінде қайтарылмайтынын, бірақ егер өнім техникалық регламенттерге сәйкес келмесе немесе талаптарды бұза отырып сатылса, қайтарылатынын еске саламыз. Заң талаптары сақталса, тұтынушы өнімді қайтаруға, сондай-ақ зиян келтіруге байланысты залалды өтеуге құқылы", – деп жауап береді тұтынушы құқықтары жөніндегі сарапшы Жанна Биятан.

Ескерту: ҚР "Тұтынушылардың құқықтарын қорғау туралы" заңының 27-бабы 3-тармағына сәйкес, сәйкестігі міндетті расталуға жататын тауарларды, оның ішінде импортталатын тауарларды тиісті сәйкестік сертификаттарынсыз немесе сәйкестік туралы декларациясыз сатуға рұқсат етілмейді.

№1 және №2 үлгілерді зерттеу нәтижелері өнімдердің Кеден одағының (КО ТР 022/2013 және КО ТР 022/2011) техникалық регламенттерінің талаптарына сәйкес келетінін көрсетті.

КО ТР 033/2013 көрсеткіште КО ТР 033/2013 бойынша майдың массалық үлесі 50,0% "Кор Марго Вес-Беларуссия, Щучинский" ірімшігі №3 үлгісін зерттеу нәтижелері қалыпты шектерде болды.

Сонымен қатар, 2024 жылдың 10 қазанында "Ұлттық сараптау және сертификаттау орталығы" АҚ Қостанай филиалының стандарттау және ақпараттық қамтамасыз ету секторы осы ірімшіктің тұтыну қаптамасы таңбаламасының Еуразиялық экономикалық комиссия кеңесінің 2013 жылдың 9 қазанында №67 шешіммен бекітілген Кеден одағының "Сүт және сүт өнімдерінің қауіпсіздігі туралы" техникалық регламенті КО ТР 033/2013 және Кеден одағы комиссиясы шешімімен 2011 жылдың 9 желтоқсанында №881 шешімімен бекітілген Кеден одағының "Тағамдық өнімдердің таңбаламасына қатысты" техникалық регламенті (КО ТР 022/2011), 1997 жылдың 11 шілдесіндегі "Қазақстан Республикасындағы "Тіл туралы" заңының талаптарына сәйкестігіне сараптама жүргізді.

Таңбаламаны тексеру кезінде төмендегідей сәйкессіздіктер анықталды:

1) КО ТР 033 бойынша құрғақ заттағы майдың массалық үлесі 50% деп мемлекеттік және орыс тілдерінде белгіленуі керек еді, мұнда тек 50% мәні ғана көрсетілген.

2) "Салмағы" мәліметі дұрыс емес, "таза салмағы" деректемесі мемлекеттік және орыс тілдерінде көрсетілуі тиіс-тін.

3) "Сүт өңдеу өнімдерін өндірушінің атауы мен орналасқан жері (заңды мекен-жайы, оның ішінде елі, сүтті қайта өңдеу өнімдерін өндіретін жердің мекенжайы (егер ол заңды мекенжайға сәйкес келмесе)) және өндірушінің Кеден одағының аумағында тұтынушылардың талаптарын қабылдаушы уәкілетті ұйымға қатысты ақпараттары, "құрамы", "100 г өнімнің тағамдық және энергетикалық құндылығы", нормативтік құжаттың белгіленуі, "негізгі ашытуға арналған микрофлора түрі", "сүт ұйыту ферменттерінің шығу табиғаты" мемлекеттік және орыс тілдерінде көрсетілмеген.

4) "Сақтау мерзімі" реквизиті дұрыс жазылмаған, "Жарамдылық мерзімі" реквизиті деп көрсетілуі керек болатын.

Балалар жер жаңғағына қатысты №4 сынамасының нәтижелері КО ТР 021/2011 көрсеткіштері бойынша қалыпты шектерде болды.

"Ұлттық сараптау және сертификаттау орталығы" АҚ Қостанай филиалының стандарттау және ақпараттық қамтамасыз ету секторы 2024 жылдың 10 қазандағы балалар жержаңғағының тұтыну қаптамасының таңбаламасын сараптау актісіне сәйкес таңбаламаға сараптама жүргізу кезінде:

1) "Салмақ" реквизиті дұрыс емес, "таза салмағы" реквизиті мемлекеттік және орыс тілдерінде көрсетілуі керек-тін.

2) "Сүт өңдеу өнімдерін өндірушінің атауы мен орналасқан жері (заңды мекенжайы, оның ішінде елі, сүтті қайта өңдеу өнімдерін өндіретін жердің мекенжайы (егер ол заңды мекенжайға сәйкес келмесе)) және Кеден одағының аумағында тұтынушылардың талаптарын қабылдаушы уәкілетті ұйымға қатысты ақпараттары, "құрамы", "10 г өнімнің тағамдық және энергетикалық құндылығы", нормативтік құжаттың белгіленуі, "түрі" негізгі ашытуға арналған микрофлора түрі", "сүт ұйыту ферменттерінің шығу табиғаты" мемлекеттік және орыс тілдерінде көрсетілмеген.

3) "Сақтау мерзімі" реквизиті дұрыс жазылмаған, "Жарамдылық мерзімі" реквизиті деп көрсетілуі керек болатын.

Өндірушілер мен сатушылардың жауапкершілігі

Қазақстан Республикасы "Тұтынушылардың құқықтарын қорғау туралы" заңына сәйкес, өндірушілер мен сатушылар тауар туралы толық және сенімді ақпаратты, ақпараттың мәтінін, сондай-ақ ақпараттар Қазақстан Республикасындағы "Тіл туралы" заңы талаптарына сай келуін қамтамасыз етуге міндетті.

Кеден одағының заңнамасын және техникалық регламенттерін бұзғаны үшін сатушылар (дайындаушылар) қомақты айыппұлдар, сондай-ақ өнімді айналымнан алып тастау түріндегі жауапкершілікке тартылады. Ауыр бұзушылықтар болған жағдайда кері қайтарып алу науқаны жүргіп, сапасыз тауарлар жойылуы мүмкін.

Тауарлардың (жұмыстардың, қызметтердің) сапасын зерттеу нәтижелері туралы "МОТҚҚҚ" ҚБ таратқан ақпараттар жарнама болып табылмайды және олар тұтынушылардың құқықтары мен заңды мүдделерін іске асыруға ықпал етеді.

Осыған ұқсас сұрақтар бойынша 87054222739 байланыс нөміріне немесе Instagram-дағы OZPP.KZ парақшасына хабарласуға болады.