Қостанайда мектеп оқушысы 4-қабаттан құлап кетті

Қостанайда 13 жастағы қыз төртінші қабаттың терезесінен құлап кетті. Ол абайсызда тым қатты еңкейіп кеткен, деп хабарлайды Zakon.kz.

Alau.kz-тің хабарлауынша, оқиға 27 мамырда сағат 11:00 шамасында Шаяхметов көшесіндегі №169 үйде болған.

Полицияға және жедел-жәрдемге болған оқиға туралы көршілері хабар берген. Олар жұмыста жүрген ата-анасына да қоңырау шалған.

Қыз бірнеше жері сынып, ауруханаға жеткізілді.

Пәтерде тоғыз жастағы сіңлісі мен екі жасар інісі болған.

Қостанай облысының полиция департаменті жыл басынан бері өңірде терезеден 8 бала құлағанын хабарлады.