Қостанай облысында екі жасөспірім қыз суға батып кетті

Қайғылы оқиға Қостанай облысы, Федеров ауданы, Кенерал ауылында орын алды. Ересектердің қарауынсыз өзенге барған екі қыз суға батып кетті, деп хабарлайды Zakon.kz.

Қостанай облыстық ТЖД мәліметінше, екі жасөспірім Үй өзеніне батып кеткен. Қайғылы оқиға бір күн бұрын Федоров ауданының Кенерал ауылында болған.

"Алдын ала мәліметтер бойынша, 2014 және 2015 жылы туған қыздар ересектердің қарауынсыз арнайы жабдықталмаған орында суға шомылған. Құтқарушылар су қоймасынан бір қыздың денесін алып шықты. Екінші жасөспірімді іздеу жұмыстары жалғасуда", делінген хабарламада.

14 маусымда Ақтөбеде үш адамның суға батып кеткені белгілі болды. Олардың біреуі – мектеп түлегі, екеуі – студент.