«Бәйтерек» ҰБХ» АҚ ел экономикасын қолдау мақсатында шамамен 3,5 трлн теңге бөледі
![](https://mail.kz/images/cc58b3967b10d36ae65a02171cf07bf6-slider.jpg)
© Сурет: "Бәйтерек" ҰБХ" АҚ
Үкіметтің экономикалық өсуді қамтамасыз ету жөніндегі іс-қимыл жоспары шеңберінде "Бәйтерек" ұлттық басқарушы холдингі" АҚ Қазақстан экономикасына шамамен 3,5 трлн теңге сомасында қолдау көрсетуді жоспарлап отыр. Бұл туралы Үкімет отырысында ҚР Премьер-Министрі Олжас Бектенов мәлімдеді.
"Үкімет "Самұрық-Қазына" және "Бәйтерек" холдингтерінің, ішкі капитал нарығының ресурстары мен қаражатын, экономика үшін басым жобаларды қаржыландыруға тікелей шетелдік инвестициялар мен жеке капиталды белсенді түрде тартады. "Бәйтерек" желісі бойынша ағымдағы жылы 3 трлн теңгеден астам сомаға жобаларды қаржыландыру жоспарлануда", - деп толықтырды Олжас Бектенов.
Қолдаудың негізгі бөлігі тікелей қолдау құралдары арқылы көрсетілетін болады, оған 2,8 трлн теңге бөлінеді.
Бұл қаражат келесідей бөлінеді:
- экономиканың нақты секторының жобаларын қаржыландыру: шамамен 1,4 трлн теңге;
- көктемгі егіс және егін жинау жұмыстарын қоса алғанда, агроөнеркәсіптік кешен жобаларын қаржыландыру: 0,5 трлн теңгеден астам;
- тұрғын үй блогын қолдау: шамамен 0,4 трлн теңге;
- "Наурыз" және "Отау" ипотекалық бағдарламаларын іске асыру: 0,4 трлн теңге;
- экспорттаушылар мен шағын және орта бизнес субъектілерін (ШОБ) қолдау: 32 млрд теңге.
Бұдан басқа, кепілдік беру, субсидиялау және сақтандыру сияқты жанама қолдау құралдары арқылы 700 млрд теңгеден астам қаражат бөлінетін болады:
- инвестициялық жобалар мен ШОБ жобалары бойынша кепілдіктер беру: 150 млрд теңгеден астам;
- ШОБ субъектілеріне субсидиялар беру: шамамен 300 млрд теңге;
- экспорттық операцияларды сақтандыру: шамамен 300 млрд теңге.
Бұл бастама экономикалық тұрақтылықты нығайтуға және Қазақстан экономикасының негізгі секторларында өсуді ынталандыруға бағытталған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:02, 28 маусым 2024
Алматыда 40 жыл бұрынғы құбырдың ауыстырылуына байланысты көшеде көлік қозғалысы үш айға шектеледі
-
13:19, 28 маусым 2024
Алматы ботаникалық бағы тағы да уақытша жабылады
-
13:03, 28 маусым 2024
Сәуле Әбілдаханқызы: Президент БАҚ пен биліктің бірлесе атқарар жұмысын тайға таңба басқандай айқын көрсетті
-
12:51, 28 маусым 2024
ОСК басшысы атом электр стансаларын салу бойынша референдумға кеткен шығындар туралы
-
12:39, 28 маусым 2024
Аптап ыстықтан Қазақстандағы республикалық тас жолда ақау пайда болды