Павлодар магистральдық желі бөлімшесіне 5 млн теңгеден астам айыппұл салынды

"ҚТЖ" ҰК" АҚ "Павлодар магистральдық желі бөлімшесі" бекітетін нұсқаулықтарда бәсекелестікке қарсы келісімдер бар екендігі анықталды, деп хабарлайды Zakon.kz.

Өңірлік коммуникациялар қызметінде өткен баспасөз конференциясында ҚР Бәсекелестікті қорғау және дамыту агенттігінің облыстық департаменті басшысының орынбасары Қуат Өтеуов ҚР Көлік прокуратурасынан өздеріне осындай ақпарат келіп түскенін айтты, деп хабарлайды Pavlodarnews.kz.

"Осыған байланысты бізге тиісті жұмыстар жүргізу және монополияға қарсы ден қою шараларын қабылдау тапсырылды. Жұмыс жүргізілді, нәтижесінде тармақ иелері мен магистральдік желілер арасында болатын 90-нан астам нұсқаулар талданды", – деді спикер.

Аталмыш нұсқаулықтарда нақты субъектілерді көрсете отырып, локомотивтік жұмыстар көрсете алатын нарық субъектілерінің атаулары болған. Бұл – бәсекелестікті шектейді. Өйткені онда нарықта жұмыс істей алатын кез-келген кәсіпорын жұмыс атқара алады.

"Ресурстар шектеулі болғандықтан, бұл бәсекеге қабілетті монополияға қарсы заңнаманы бұзудың белгісі. Осыған байланысты қазіргі уақытта "Павлодар магистральдік желі бөлімшесі" атына 30 күнтізбелік күн ішінде осы бұзушылықтарды өз еркімен жою туралы хабарлама шығарылды. Егер хабарлама орындалмаса, бұл тергеуді бастауға негіз болады", – деді Қуат Өтеуов.

Оған қоса, жүргізілген жұмыс нәтижесінде департаменттің "Павлодар магистральдік желі бөлімшесіне" тиісті сұрау салуды жолдағаннан кейін, олар ақпаратты белгіленген мерзімде бермеген. Тиісінше, кәсіпорын әкімшілік жауапкершілікке тартылып, 5 360 250 теңге сомасына айыппұл салынған. Материалдар субъектінің өтініші бойынша сотқа жіберілген.