Қонаевтағы ойынханалардың жайы не болмақ

14:59, 1 желтоқсан 2023
115

© Сурет: pixabay

1 желтоқсанда Орталық коммуникациялар қызметінде өткен баспасөз мәслихатында Алматы облысының әкімі Марат Сұлтанғазиев "Қонаевтағы ойынханалар жабыла ма?" деген сауалға жауап берді, деп хабарлайды Zakon.kz.

Қазір Қонаевта бес ойынхана жұмыс істеп тұр, басқа да ойын бизнесі субъектілері бар. Әкімнің жауабына қарағанда, әзірге оларды жабу жоспарда жоқ.

"Ойынхана саласы мен онда жұмыс істейтіндерді есептесек, шамамен 7,5 мың адам болады. 64 мың адам тұратын қала үшін бұл үлкен үлес. Өткен жылы ойын бизнесі субъектілері 90 миллиард теңгеге жуық салық төлеген" . Марат Сұлтанғазиев

Алматы облысының әкімі лудомания мәселесіне де тоқталды. Ол ойынхананың ережелері айтарлықтай қатаң екенін атап өтті: оған бару үшін қалтаң қалың болуы керек. Сондай-ақ туыстарының немесе құқық қорғау органдарының өтініші бойынша адамға ойынханаға кіруге тыйым салынуы мүмкін.

"Мобильді интернет арқылы таралып жатқан онлайн ойынханалармен және лудоманиямен көбірек күресуіміз керек шығар". Марат Сұлтанғазиев

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!