«Көктайғақ, тұман»: 14 қаңтарда еліміздің 11 өңірінде дауылды ескерту жарияланды

14 қаңтарда Қазақстанның 11 облысында дауылды ескерту жарияланды, деп хабарлайды Zakon.kz "Қазгидромет" РМК-ның баспасөз қызметіне сілтеме жасап.

Күндіз Батыс Қазақстан облысының солтүстігінде, оңтүстігінде, шығысында көктайғақ болады деп күтіледі. Облыстың батысында, солтүстігінде, шығысында тұман түседі. Оралда күндіз көктайғақ, түнде және таңертең тұман болады деп күтіледі.

Түнде Атырау облысының батысында, солтүстігінде көктайғақ болады деп болжанады. Түнде және таңертең облыстың оңтүстігінде, батысында, солтүстігінде тұман түседі. Атырауда күндіз көктайғақ, түнде және таңертең тұман түседі.

Түнде және таңертең Түркістан облысының оңтүстігінде, таулы аудандарында тұман болады деп күтіледі.

Күндіз Ақтөбе облысының батысында, солтүстігінде көктайғақ, облыстың оңтүстігінде, шығысында тұман болады деп күтіледі.

Абай облысының шығысында тұман болады деп күтіледі. Жел оңтүстік-шығыстан соғады, облыстың солтүстігінде, оңтүстігінде, орталығында соққан желдің екпіні 15-20 м/с, кей тұстарда 23-28 м/с дейін жетеді. Семейде күндіз оңтүстік-шығыстан соққан желдің екпіні - 15-18 м/с.

Маңғыстау облысының батысында, солтүстігінде, орталығында тұман болады деп күтіледі. Ақтауда да түнде және таңертең тұман түседі.

Шығыс Қазақстан облысының солтүстігінде, оңтүстігінде тұман түседі деп күтіледі. Жел шығыстан, оңтүстік-шығыстан соғады, облыстың батысында, оңтүстік-шығысында, орталығында соққан желдің екпіні 15-20 м/с, күндіз кей тұста 23 м/с дейін жетеді. Өскеменде түнде және таңертең тұман түседі.

Жетісу облысының Алакөл көлдері ауданында оңтүстік-шығыстан жел соғады, кей уақыттарда екпіні 30 м/с және одан асағы жетеді деп күтіледі.

Ақмола облысының батысында, солтүстігінде тұман болады деп күтіледі.

Күндіз Қостанай облысының солтүстік-батысында жаяу бұрқасын жүреді. Облыстың батысында, оңтүстігінде, орталығында тұман болады деп күтіледі.

Солтүстік Қазақстан облысының батысында, оңтүстігінде тұман түседі. Күндіз облыстың батысында, оңтүстігінде оңтүстік-батыстан соққан желдің екпіні 15-20 м/с құрайды.

Бұған дейін синоптиктер 14 қаңтарда қай өңірлерде қар жаууы мүмкін екенін айтқан еді.