Көкшетауда өрт сөндірушілер өртеніп жатқан үйден төрт газ баллонын шығарды

22:59, 23 сәуір 2024

© Сурет: Ақмола облыстық төтенше жағдайлар департаменті

23 сәуірде Көкшетауда жеке тұрғын үйде ірі өрт болды, деп хабарлайды Zakon.kz .

Ақмола облысы төтенше жағдайлар департаментінің хабарлауынша, сағат 19:25-те Застанционный кентінде Көктерек көшесі бойында төрт пәтерлі жеке тұрғын үйдің шатыры 180 шаршы метр аумақта өртке оранды.

"Ақмола облысы ТЖД-ның 23 құтқарушысы мен бес техникасы дереу шақырту орнына аттанды. Өрт сөндірушілер өрттің таралуына жол берілмеді, төрт газ баллонды шығарды", - делінген хабарламада.

Өрт 20:19-да ауыздықталып, 20:33-те сөндірілді. Құрбандар мен зардап шеккендер жоқ. Қазір өрттің шығу себебі анықталып жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!