ҚазАвтоЖол: Жол пайдалану учаскелері басшыларының жұмысында заңсыздық анықталды

"ҚазАвтоЖол" ұлттық компаниясы" АҚ ішкі аудит қызметі сыбайлас жемқорлыққа қарсы комплаенс-қызметімен бірлесіп барлық жол пайдалану учаскелері мен пункттерінің қызметін тексеріп жатыр, деп хабарлайды Zakon.kz.

Ішкі тексеріс барысында бірқатар жол пайдалану учаскелері басшыларының жұмысында бұзушылықтар анықталды. Тексеріс толық аяқталып, анықталған фактілер расталған жағдайда, жол пайдалану учаскелері басшыларына Қазақстан Республикасының Еңбек заңнамасына сәйкес шара қабылданады.

Анықталған фактілер бойынша құзыретті органдар да қосымша хабардар етіледі.

Ішкі тексеріс төмендегі тармақтарды қамтиды:

• өндірістік құжаттаманы рәсімдеу;
• жанар-жағар майды есептен шығару;
• жол парақтарын рәсімдеу;
• жол пайдалану учаскелері басшыларының қызметкерлердің еңбек пен орындаушылық тәртібін қадағалауы;
• күнделікті жұмысқа еш қатысы жоқ мамандарды тіркеу фактілері және тағы басқа.