Қазақстандықтарға ЭЦҚ қолдану ережелері мен қауіптері ескертілді

"Ұлттық ақпараттық технологиялар" АҚ 2026 жылғы 21 қазанда электрондық цифрлық қолтаңбаны (ЭЦҚ) пайдаланудың маңызды ережелерін еске салды, деп хабарлайды Zakon.kz.

Мамандардың түсіндіруінше, ЭЦҚ – адамның жеке басын растап, электрондық құжаттарды куәландыратын қолтаңбаның цифрлық баламасы. Оның заңды күші бар және ол мемлекеттік қызметтерді онлайн алу кезінде кеңінен қолданылады.

Алайда ЭЦҚ пайдаланғанда қауіпсіздік талаптарын сақтау маңызды:

• ЭЦҚ кілттерін өзге адамдарға бермеңіз.
• Оларды қорғалған жерде сақтаңыз.
• Күрделі әрі басқа жерде қолданылмайтын құпиясөздерді пайдаланыңыз.
• Кілттердің жарамдылығын үнемі тексеріп, қажет болған жағдайда олардың күшін жойыңыз.

"ЭЦҚ-ны басқа адамға бергені және өзгенің ЭЦҚ-сын пайдаланғаны үшін екі тарапқа да – оны берген адамға да, қабылдап алған адамға да әкімшілік жаза қарастырылған", – деп ескертті "Ұлттық ақпараттық технологиялар" АҚ.

Посмотреть эту публикацию в Instagram

Публикация от eGov.kz (@egov.kz)

Бұған дейін Қазақстанда жылжымайтын мүлікке қатысты өтініштерді қабылдау уақытша тоқтатылатыны белгілі болды.