Қазақстандық полицейлер Barbie Girl хитін «жаңаша» орындап, желіні шулатты

Қостанай облысы полиция департаментінің (ПД) қызметкерлері Aqua тобының 1990-шы жылдардың аяғындағы танымал әуені - "Barbie Girl" -ді жаңаша орындап, азаматтарға креативті үндеу жолдады, деп хабарлайды Zakon.kz.

Есірткі жасырып кетушілерге арналған видеоролик 2026 жылғы 12 мамырда Қостанай полициясының Instagram парақшасында жарияланды.

"Есірткі заттарының заңсыз айналымы қылмыстық жауаптылыққа әкеп соғады. Егер сіз осы жолды таңдасаңыз, бұл ән сізге арналған", – деді полиция қызметкері.

Бейнеде тәртіп сақшылары есірткі жасырушыларды не күтіп тұрғанын әуен арқылы жеткізіп, оны АЖӘО қызметкерлерімен (арнайы жедел әрекет ету отряды) қызықты етіп көрсете білді.

Посмотреть эту публикацию в Instagram

Публикация от wejiton (@wejiton)

Видео желі қолданушыларының көңілінен шығып, түрлі пікір жинады:

• Жарайсың жігіттер, жастардың тілін таптыңдар!
• Креативті, осындай жұмыстар шынымен пайдалы!
• Жақсы видео, жасына да кәрісіне де түсінікті!
• Осыдан кейін есірткі жасыратындар болса, білмейміін)

Бұған дейін Ішкі істер министрлігі (ІІМ) мектеп оқушылары мен студенттерге арнап үндеу жасағанын жазғанбыз.