Қазақстанда жедел жәрдем дәрігерлері 2025 жылдың соңына дейін бейнежетондармен жабдықталады

ҚР Денсаулық сақтау министрі Ақмарал Әлназарова 2025 жылғы 29 сәуірде жедел жәрдем дәрігерлерін шабуылдардан қорғау үшін қандай шаралар қабылданып жатқанын айтты, деп хабарлайды Zakon.kz.

Журналистер бірқатар өңірлерде жедел жәрдем дәрігерлеріне шабуыл жасау фактілері болғанын атап өтті. Олар дәрігерлерді қорғау мақсатында қандай жұмыстар атқарылып жатқанын сұрады.

"Қорғауға қатысты біз бейнежетондарды тағуды енгіземіз, олар болып жатқан барлық жағдайды тіркейді. Біз осы норманы тиісті бұйрықпен енгіздік. Ал облыстар мен қала әкімдіктері қаржы бөлуді қамтамасыз етуі тиіс. Менің ойымша, осы жұмыс жылы соңына дейін кезең-кезеңімен жүзеге асырылады", – деп жауап берді Денсаулық сақтау министрі Ақмарал Әлназарова.

Ол мұндай шара медициналық қызметкерлер мен жекелеген тәртіп бұзушылардың жауапкершілігін арттырады деп есептейді.

Бұған дейін қандай жағдайда дәрігерлердің 8,5 млн теңге ала алатындығын хабарлаған болатынбыз.