Қазақстан таэквондодан Қытайдағы турнирдің алғашқы күнінде екі медаль жеңіп алды

17:42, 24 сәуір 2025

© Сурет: olympic.kz

Қытайдың Тайань қаласында таэквондодан President’s Cup – Asia Region халықаралық турнирі басталды, деп хабарлайды Zakon.kz.

Жарыстың алғашқы күнінде Қазақстан құрамасы екі жүлдеге ие болды.

Батырхан Төлеуғали (80 келіге дейін) мен Әзиза Қаражанова (53 келіге дейін) үшінші нәтиже көрсетті.

Екі спортшы да жартылай финалға дейін жеткен. Финалға берілетін жолдаманы сарапқа салған кездесулерде Төлеуғали оңтүстіккореялық Пак Чунсанға есе жіберсе, Қаражанова ирандық Мобине Нематзадеден жеңіліп қалды.

Айта кетейік, Батырхан Төлеуғали мен Әзиза Қаражанова 2026 жылғы Азия чемпионатына қатысуға жолдама жеңіп алды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!