Қазақстан Сыртқы істер министрлігі Иранмен қарым-қатынас туралы айтты

16:50, 23 маусым 2025

© Фото: Zakon.kz/Екатерина Елисеева

Қазақстан Республикасы Сыртқы істер министрлігінің ресми өкілі Айбек Смадияров 2025 жылдың 23 маусымында ведомствода өткен брифингте Қазақстан Иранға қатысты жағдайды жіті қадағалап отырғанын мәлімдеді, деп хабарлайды Zakon.kz тілшісі.

Министрліктің ресми өкілі Қазақстан мен Иранның барлық дерлік салаларда көпқырлы ынтымақтастықта екенін атап өтті.

"Біздің министр жуырда Иранға ресми сапармен барды, соның нәтижесінде көптеген перспективалы жобалар бойынша келісімдер жасалды. Олардың арасында логистика, сауда, инвестиция, өндіріс және энергетика бар. Осының барлығының әсері зор. Біз, әрине, жағдайдың дамуын мұқият қадағалап, диалогқа шақырамыз. БҰҰ Жарғысы мен халықаралық құқық нормаларын сақтау қажет. Бәрі тұрақты, соғыс болмас үшін бізге сабырлы көршілер керек", – деп қосты ол.

2025 жылдың 13 маусымында таңертең Израиль "Арыстан ұлты" операциясы аясында Иранның ядролық және әскери инфрақұрылымына соққы берді. Кейін Иран Израиль астанасына жауап қайтарды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!