Қазақстан Ресей газын Өзбекстанға тасымалдауға 2024 жылы дайын болады

19:14, 2 маусым 2023

© Сурет: Үкіметтің баспасөз қызметі

2 маусымда Мәжілістегі газ саласының ахуалы бойынша өткен отырыста Энергетика министрі Алмасадам Сәтқалиев 2024 жылдың күз-қыс айларында қазақстандық инфрақұрылым ресейлік газды Өзбекстанға айдауға дайын болатынын мәлімдеді, деп хабарлайды Zakon.kz.

Алмасадам Сәтқалиев Өзбекстан мен "Газпром" арасындағы газдың көлемі мен бағасына қатысты келіссөздер әлі де жүргізіліп жатқанын атап өтті. Қазақстандық тарап транзитті қамтамасыз етуге ниетті екенін білдіріп қойған.

"Осы келіссөздер аяқталғаннан кейін біз инфрақұрылымымызды ұсынуға дайынбыз. Сонымен қатар, біз келесі жылдың күз-қыс айларында бұл инфрақұрылым сақадай-сай дайын болады деп айта аламыз. Аталған бағыттағы транзитке және транзиттен түсетін қаражатқа, жалпы Орталық Азия өңірін энергиямен қамсыздандыру тұрақтылығын арттыруға мүдделіміз". Алмасадам Сәтқалиев

16 мамырда Үкімет дәлізінде берген сұқбатында Алмасадам Сәтқалиев ресейлік газды Қазақстан арқылы Өзбекстанға тасымалдау мүмкіндігі бойынша келіссөздер оң сипатта жүріп жатқанын айтқан болатын.

Бірақ Энергетика министрі "Ресей, Өзбекстан және Қазақстан арасында үшжақты газ одағы құрыла ма" деген сұрақты жауапсыз қалдырды, бірақ қазіргі уақытта Ресей газының Қазақстан арқылы Өзбекстанға транзиттеу мәселесі талқыланып жатқанын жеткізді.

Оқи отырыңыз

Қазақстандағы инфляция: азық-түлік пен қызметтердің бағасы қаншалықты өсті

Өңірлерде цифрлық майнингпен айналысушылар үшін тауарлық газ қаншадан сатылады

ҰЭМ басшысы аутсайдер атанған өңір әкімдері қандай жауапкершілікке тартылуы мүмкін екенін айтты

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!