Қазақстан оқушылары Igeo халықаралық олимпиадасынан алтын мен қола жеңіп алды

11:21, 14 тамыз 2023

© Сурет: Оқу-ағарту министрлігі

Индонезияның Бандунг қаласында IGeO-2023 географиядан халықаралық олимпиада мәресіне жетті. Байқауда Қазақстан қоржыны екі медальмен толықты, деп хабарлайды Zakon.kz.

Ел намысын география пәнінен республикалық олимпиаданың төрт жеңімпазы қорғаған. Олар үш тур – жазбаша тест, мультимедиялық тест және практикалық тапсырма бойынша жарысты.

Халықаралық олимпиада қорытындысы бойынша медальдар қоржыны екі жүлдемен толықты:

Алтын – Санжар Хамитов, Ақтөбе қаласындағы НЗМ 11-сынып оқушысы;
Қола - Арсен Сыдықов, Шымкент қаласындағы НЗМ 10-сынып оқушысы.

Айта кетері, IGeO алғаш рет 1996 жылы Халықаралық географиялық одақтың (IGU) қолдауымен Гаагада өткен еді. Қазақстан құрама командасы олимпиадаға 2012 жылдан бері қатысып, барлығы 3 алтын, 1 күміс және 4 қола жеңіп алған.

Олимпиаданың негізгі міндеттері – оқушылардың географияға және қоршаған орта туралы ғылымдарға қызығушылығын ынталандыру, халықаралық өзара байланысты нығайту.

Оқи отырыңыз

АҚШ-та өз-өзіне қол жұмсау саны соңғы 80 жылдағы ең жоғары деңгейге жетті

Қазақстанның екі азаматына Оңтүстік Корея шекарасын заңсыз кесіп өткені үшін үкім шықты

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!