Қазақстан-Қырғызстан шекарасында жүк көліктері не себепті жиналып қалғаны белгілі болды

15:30, 5 маусым 2023

© Сурет: freepik

Қырғызстан Ұлттық қауіпсіздік мемлекеттік комитетінің шекара қызметі "Ақ-Тілек-автодорожный" өткізу бекетінің алдында неліктен тағы жүк көліктерінің кептелісі пайда болғанын түсіндірді, деп хабарлайды Zakon.kz.

Қырғыз Республикасы Ұлттық қауіпсіздік мемлекеттік комитеті Шекара қызметінің ақпарат және коммуникациялар басқармасының мәліметінше, мемлекеттік шекараның қырғыз-қазақ учаскесінде орналасқан өткізу пункттері штаттық режимде жұмыс істеп жатыр.

"2023 жылғы 5 маусымда сағат 12:00-дегі жағдай бойынша "Ақ-Тілек-автодорожный" бақылау-өткізу бекетінің алдында көліктер жинақталып қалғаны байқалады. Өткізу пункті маңында жүк көліктерінің жиналуы Қырғызстаннан ауыл шаруашылығы өнімдерінің басқа елдерге экспортының маусымдық өсуіне байланысты", – делінген хабарламада.

Шекара қызметі мемлекеттік шекараның қырғыз-қазақ учаскесіндегі басқа өткізу пункттерінде "адамдар мен көліктер жиналуы тіркелмегенін" мәлімдеді.

"Қырғызстан Республикасы Ұлттық қауіпсіздік мемлекеттік комитетінің шекара қызметі тарапынан жүк тасымалдаушыларға шекаралық бақылаудан өтуге шектеу қойылмаған", – делінген хабарламада.

Жүргізушілер мен тасымалдаушылардан Қырғыз Ұлттық қауіпсіздік мемлекеттік комитетінің Шекара қызметіне арыз-шағым тіркелмеген.

Оқи отырыңыз

СҚО-да 180 тонна улы химикат төгілді

Құрбан айт – 2023: мейрам күндері не істеу керек

Еліміздің үш облысында табиғат қорғау заңнамасын бұзудың 297 фактісі анықталды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!