Қазақ даласының айбары оралуда: «жолбарыстар» жобасы қалай іске асуда

29 шілде – Халықаралық жолбарыстар күні. Осыған байланысты ҚР Экология және табиғи ресурстар министрлігі Тұран жолбарыстарын тарихи мекенге қайта оралту жобасының қалай іске асып жатқанын айтып берді, деп хабарлайды Zakon.kz.

Ведомство атап өткендей, бір кездері қазақ даласын еркін кезген Тұран жолбарысы табиғатымыздың айбыны, жабайы әлемнің шынайы қожайыны болды. Өкінішке қарай, адам әрекетінің салдарынан бұл ерекше жыртқыш туған мекенінен біржола жоғалып кетті.

Бүгінде Қазақстан табиғат тарихындағы маңызды миссиялардың бірін жүзеге асырып келеді – Тұран жолбарысын тарихи мекеніне қайта оралту.

Посмотреть эту публикацию в Instagram

Публикация от @minecology_kz

Осы игі бастамада "Іле-Балқаш" мемлекеттік табиғи резерваты ерекше рөл атқарады. Резерват аумағында жолбарысқа қолайлы табиғи орта қалыптастырылып, оның қорек базасы мен биоалуантүрлілігін сақтау бағытында кешенді жұмыстар жүргізіледі.

Мәселен, 2024 жылы Нидерландтан, ал 2026 жылы Ресей Федерациясынан Амур жолбарыстары жеткізілді.

Мамандардың айтуынша, жолбарыс – жай ғана жыртқыш емес. Ол – табиғаттың күш-қуатын, еркіндігін және экожүйенің саулығын білдіретін маңызды белгі. Жолбарыс бар жерде табиғаттың тепе-теңдігі сақталады.

Бұған дейін Эльбруста қаза тапқан альпинистер өздерімен бірге мысығын алып шыққанын, бүгінде жануардың не өлі не тірі екені белгісіз екенін жазғанбыз.