«Қатты үйленгісі келді»: Ағайынды Жүгінісовтердің кенжесі үйленді

Ағайынды Жүгінісовтердің кішісі Мұхаммедәли Жүгінісов отау құрды. Ағасы Мирас өз жолын інісіне бергенін жазды, деп хабарлайды Zakon.kz.

Мұхаммедәли Жүгінісовтің қалыңдығы Нұр-Сұлтандағы мейрамханалардың бірінде ұзатылды. Ағайынды әншілердің әріптестері оны шаңырақ көтергенімен құттықтап жатыр. Соның ішінде ағасы Мирас Жүгінісов те тойда болып, өзінің хит әндерін шырқады. Бұл туралы ол Instagram-дағы парақшасында жазды.

Муханың тойында ән айтпасам қате ғой. Рұхсатымды бердім. Қатты үйленгісі келді.Мирас Жүгінісов

Ұзату тойды Тұрсымбек Қабатов жүргізген. Ол Мирасты ортаға шығарып, Жүгінісовтердің ортаншысы ретінде таныстырды. Сонымен қатар тойға эстрада жұлдыздары да шақырылған.

Мұхаммедәлидің қалыңдығының есімі – Медина. Тойдағы бір ерекшелік – күйеу жігіттің анасы Айнұр Жүгінісова қазақы нақышта безендірілген кимешек киюі.

Балалықпен қоштасып, шаңырағымызға жылуы мен нұрын шашып келген, бала келінім! Келген қадамыңа нұр бітсін! Той – қазақтың қазынасы! Әр отбасыға той мен қуаныш көруді жазсын. Жұғысты болсын! – деп жазды ағайындылардың анасы Айнұр Жүгінісова.

Посмотреть эту публикацию в Instagram

Публикация от Айнур Жугунусова (@ainur_zhugunussova)

Еске сала кетейік, 6 наурыз күні Алматыдағы Балуан Шолақ атындағы спорт сарайында Мирас Жүгінісовтің жеке концерті өтеді.