Қасым-Жомарт Тоқаев Зүлфия Сүлейменованы қабылдады

18:33, 21 қыркүйек 2023

© Сурет: akorda.kz

2023 жылы 21 қыркүйекте Мемлекет басшысы Қасым-Жомарт Тоқаев ҚР Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі Зүлфия Сүлейменованы қабылдады, деп хабарлайды Zakon.kz.

Кездесу барысында Мемлекет басшысы Арнаулы өкілге алдағы шараларға, атап айтқанда биыл қараша айына жоспарланған Климаттың өзгеруi жөнiндегi БҰҰ негiзгi Конвенциясына қатысушы тараптардың 28-конференциясына және 2026 жылы БҰҰ аясында өтетін Аймақтық климаттық саммитке дайындық жөнінде бірқатар нақты міндет жүктеді, делінген Ақорда хабарламасында.

"Сондай-ақ Президент шетелдік серіктестермен арадағы ықпалдастықты, соның ішінде экономиканы декарбонизациялау және ауаға таралатын метан мөлшерін азайту бағыттары бойынша ынтымақтастықты нығайту маңызды екенін атап өтті", делінген хабарламада.

Кездесу, Қасым-Жомарт Тоқаев, Зүлфия Сүлейменова

Сурет: akorda.kz

Зүлфия Сүлейменова 21 қыркүйекте ҚР Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі атанып, жаңа лауазымға ие болды. Алдында ол 2023 жылдың 4 қаңтарынан 1 қыркүйегіне дейін ҚР Экология және табиғи ресурстар министрлігін басқарып келген.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!