Қасым-Жомарт Тоқаев ЕҚЫҰ Парламент ассамблеясының президентін қабылдады

12:43, 6 маусым 2023

© Сурет: akorda.kz

Мемлекет басшысы Қасым-Жомарт Тоқаев 6 маусым күні ЕҚЫҰ Парламент ассамблеясының президенті Маргарета Седерфельтті қабылдады, деп хабарлайды Zakon.kz.

Президент Қасым-Жомарт Тоқаев Маргарета Седерфельтке ілтипат білдіре отырып, оның сапары Қазақстан мен Еуропадағы қауіпсіздік және ынтымақтастық ұйымының Парламент ассамблеясы арасындағы қарым-қатынасты нығайту үшін маңызды екенін атап өтті, деп жазды Ақорданың ресми сайты.

"Президент парламенттік дипломатия мемлекеттер мен халықтар арасындағы байланыстарды нығайтуға көмектесетініне назар аударды. Сондай-ақ ауқымды саяси және экономикалық өзгерістердің жүзеге асырылуы туралы айтты", – делінген ресми ақпарда.

Маргарета Седерфельт Қазақстанда жүргізіліп жатқан реформаларды қолдайтынын және ЕҚЫҰ Парламент Ассамблеясы негізгі саяси институттардың жүйелі трансформациялану барысын ерекше қызығушылықпен бақылап отырғанын жеткізді.

Кездесу барысында Астана халықаралық форумындағы (AIF), сондай-ақ аймақтық және жаһандық күн тәртібіндегі өзекті мәселелер талқыланды.

Оқи отырыңыз

Ұлыбританияның жоғары шенді дипломаты Қазақстанда, Қырғызстанда және Өзбекстанда болады

СІМ Сириядан төрт баласымен бірге қазақстандық әйелдің елге оралғанын растады

СІМ Кореяда ұсталған қос қазақстандық туралы: Оларға ұзақ мерзімді жаза сұралуы мүмкін

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!