Қасым-Жомарт Тоқаев Адам құқықтары жөніндегі уәкілді қабылдады

17:07, 6 маусым 2023
114

© Сурет: akorda.kz

Мемлекет басшысы Қасым-Жомарт Тоқаев 6 маусым күні Адам құқықтары жөніндегі уәкіл Артур Ластаевты қабылдады, деп хабарлайды Zakon.kz.

Қасым-Жомарт Тоқаевқа Адам құқықтары жөніндегі уәкілдің биылғы 5 айда атқарған жұмыстарының қорытындысы, соның ішінде азаматтардың құқықтарын қайта қалпына келтіруге жәрдемдесу үшін қабылданып жатқан шаралар туралы мәлімет берілді, деп жазды Ақорданың ресми сайты.

Омбудсмен кеңсесі мен оның өңірлердегі өкілдіктері осы уақыт аралығында азаматтардың 2 318 өтінішін қараған.

Артур Ластаевтың айтуынша, жергілікті жердегі жұмысты күшейту үшін Ұлттық превентивті механизм мүшелерінің құрамы жаңарды. Адам құқықтары жөніндегі уәкіл балаларға арналған мекемелердегі қатыгездік әрекеттердің алдын алу мәселесін ерекше назарда ұстайды. Атап айтқанда, Уәкіл осындай мекемелерге 213 рет барып, 800-ден астам ұсыным жасаған. Омбудсменнің бастамасымен азаптау фактілеріне қатысты тергеу амалдары жүргізіледі. Құқық қорғау органдарына бірқатар арнайы ұсыным берілді.

Кездесу соңында Қасым-Жомарт Тоқаев тиісті мемлекеттік органдармен бірлесіп, азаматтардың құқықтарын тиімді қорғауды қамтамасыз ету маңызды екенін айтты.

 

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!