Қарағандыда төбелес болды, жараланғандар бар

11:10, 4 маусым 2023

© Сурет: instagram.com/denis_denski/

Қарағандыда төбелес болып, екі адам ауруханаға жатқызылды, оларға пышақ сұғып алған, деп хабарлайды Zakon.kz.

Бұл туралы Денис Денски есімді қолданушы әлеуметтік желідегі парақшасында жазды.

"Оқырманның айтуынша, осыдан бірнеше минут бұрын Қарағандыдағы Н.Әбдіров даңғылында ұсақ-түйек сататын дүкеннің маңында белгісіз біреу үш адамға пышақ сұғып алған. Оқиғаның егжей-тегжейі белгісіз. Оқиға орнына жедел жәрдем барған. Полицияның түсініктемесін күтемін", - делінген жазбада.

Посмотреть эту публикацию в Instagram

Публикация от Денис Денски (@denis_denski)

Полицияның мәліметінше, 3 маусым күні сағат 19:52 шамасында 102 телефонына Ерубаев көшесінде төбелес болып жатқаны туралы ақпарат түскен.

Оқиға орынынан ауруханаға 34 және 35 жастағы екі адам жеткізілді.

"Жедел әрекеттер барысында "Абзал" сауда үйінің маңынан 25 және 26 жастағы екі күдікті ұсталды. Біреуінен пышақ, екіншісінен кастет тәркіленді. Ұсталғандар полиция басқармасына жеткізілді. Аталған факт полицияда тіркелді. Оқиғаның мән-жайын анықтау бойынша тергеу амалдары жүргізіліп жатыр", - делінген хабарламада.