Қайрат Боранбаевтың қандай мүліктері тәркіленетін болды

18:56, 31 наурыз 2023
194

© Сурет: Zakon.kz

"АзияГазЧунджа" ЖШС құрылтайшысы Қайрат Боранбаев 8 жылға бас бостандығынан айырылды, оның тәркіленген мүліктері мемлекетке өткізіледі, деп хабарлайды Zakon.kz.

Сарыарқа аудандық сотының судьясы Назгүл Бапақова үкім шығарды, оған сәйкес Қайрат Боранбаев мүлкі тәркілене отырып, 8 жылға бас бостандығынан айыру жазасын өтейтін болады.

"Мемлекет мүддесіне Қайрат Боранбаевтың әл-Фараби көшесіндегі (Алматы қаласы) үй-жай мен жер учаскесі, "Қазақстан Халық банкі" АҚ шотындағы 1 млрд 270 млн 190 мың теңге сомасындағы қаражат тәркіленсін. Сонымен қатар, "Қазақстан Халық банкі" АҚ-дағы екі шотқа бөлініп салынған 2 млрд 847 млн 877 мың 603 теңге де тәркіленсін. Аталған шоттағы қалған сома бұғатталсын". Судья Назгүл Бапақова

31 наурызда Астана қаласының №2 Сарыарқа аудандық соты "АзияГазЧунджа" ЖШС құрылтайшылары Қайрат Боранбаев пен Роман Нахановты, сондай-ақ "Qazaq Gaz" АҚ Басқарма төрағасының бұрынғы орынбасары Тайыр Жанұзақты сегіз жылға бас бостандығынан айыру туралы үкім шығарды.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!