Израильдегі отандастарымызды эвакуациялау мәселесін екі елдің СІМ басшылары талқылады

17:59, 9 наурыз 2026

© Фото: zakon.kz

Қазақстан Республикасының сыртқы істер министрі Ермек Көшербаев Израиль Мемлекетінің сыртқы істер министрі Гидеон Саармен телефон арқылы сөйлесті, деп хабарлайды Zakon.kz.

Тараптар Таяу Шығыстағы ағымдағы ахуалды талқылап, екіжақты ынтымақтастықтың өзекті мәселелерін қарастырды, делінген 2026 жылғы 9 наурыздағы министрліктің баспасөз қызметі таратқан хабарламада.

Сұқбат барысында Ермек Көшербаев израильдік әріптесіне Израильде жүрген ҚР азаматтарын эвакуациялауға жәрдем көрсету туралы өтініш білдіріп, бұл мәселе еліміз үшін басым міндеттердің бірі екенін атап өтті.

Өз кезегінде Гидеон Саар Израиль тарапы Қазақстан азаматтарын эвакуациялау мәселесін шешуге бар күш-жігерін салатынын жеткізіп, бұл мәселені өзінің жеке бақылауына алатынына сендірді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!