Ішкі істер министрлігі қазақстандықтарды мереке алдындағы алаяқтардан сақ болуға шақырды

Ғашықтар күні қарсаңында көпшілік өз сүйіктісіне мінсіз сыйлық іздейді. Мерекелік жеңілдіктер мен қызу сауда науқандары кезінде интернет-алаяқтар да белсенді әрекет етеді, деп хабарлайды Zakon.kz.

Бұл туралы 2026 жылғы 12 ақпанда Ішкі істер министрлігі ескертті.

ІІМ келесі ережелерді қатаң ұстануға кеңес береді:

• тауарды тек сенімді, тексерілген сайттар мен ресми маркетплейстер арқылы сатып алыңыз;
• әлеуметтік желілердегі немесе мессенджерлердегі күмәнді сілтемелерге өтпеңіз;
• шектен тыс төмен баға ұсынылса, абай болыңыз — бұл алаяқтықтың белгісі болуы мүмкін;
• сатушыдан тауардың нақты бар екенін растауды сұраңыз; бейнеқоңырау арқылы дүкеннің нақты мекенжайын көрсетуді өтініңіз. Алаяқтар көбіне мұндай талаптан жалтарып, оның орнына геолокация немесе өңделген фото жібереді;
• төлем жасау кезінде сақ болыңыз: ақшаны жеке шоттарға немесе күмәнді төлем жүйелеріне аудармаңыз;
• жеке деректеріңізді қорғаңыз. Бөгде адамдарға ешқашан парольдерді, SMS-кодтарды, CVV-кодты және банк картасының толық мәліметін бермеңіз.

Мереке тек қуаныш сыйласын. Сақ болыңыз және алаяқтардың құрбанына айналмаңыз, - деп ескертті мамандар.