Ішінен жұдырықпен ұрған: жүргізуші Алматыдағы тұрғын үй кешенінің күзетшісіне шабуыл жасады

Алматыда жас жігіт тұрғын үй кешенінің маңында жасы үлкен күзетшіге шабуыл жасады, деп хабарлайды Zakon.kz.

Оқиға "Столичный" тұрғын үй кешенінің маңында түсірілген. Кадрлардан ер адам көліктен түсіп, әуелі оны итеріп, сосын қарт күзетшінің ішінен ұрғанын көруге болады. Куәгерлер мұны тоқтату үшін жүгіре жөнелген. Жүргізушінің бұл әрекетіне дейін не болғаны айтылмайды.

Алматы полиция департаментінің баспасөз қызметі видеоға қатысты түсінік берді.

"Осы факті бойынша тексеру жүргізіліп жатыр. Құқық бұзушы ұсталды. Оның іс-әрекеттеріне құқықтық баға беріледі. Ер адам алған дене жарақаттарының ауырлық дәрежесін анықтау мақсатында сот-медициналық сараптама тағайындалды", - делінген хабарламада.