ІІМ Қызылордадағы колледж студентінің өліміне қатысты пікір білдірді

14:43, 13 мамыр 2026

© Фото: Zakon.kz

Ішкі істер вице-министрі Санжар Әділов 2026 жылғы 13 мамырда Мәжілісте Қызылордада колледж студентінің қаза табуына қатысты жағдайға түсініктеме берді, деп хабарлайды Zakon.kz.

Аталған дерек бойынша Қызылорда облысының полиция департаменті Қылмыстық кодекстің 99-бабы бойынша қылмыстық іс қозғаған.

"Күдікті қамауға алынды, қазіргі уақытта тергеу амалдары жүргізілуде", – деді Әділов.

Бұған дейін бұқаралық ақпарат құралдарында 16 жастағы студенттің Қызылордадағы жатақханада өлі табылғаны туралы ақпарат тараған еді. Оқиға 8 мамырға қараған түні болған.

Марқұмның туыстарының айтуынша, жасөспірім жоғары курс студенттері тарапынан соққыға жығылып, соның салдарынан көз жұмған болуы мүмкін. Сондай-ақ әпкесінің сөзінше, баланың денесі дәліз бойымен қан ізін қалдыра сүйреліп, кейін бөлмеге жасырылған.

Отбасы тек төбелеске қатысқандарды ғана емес, студенттердің қауіпсіздігіне жауапты қызметкерлерді де жауапқа тартуды талап етіп отыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!